ગુજરાતી સાહિત્ય સરિતા

જુલાઈ ૨૦૦૮ ની બેઠક્નો અહેવાલ

vijayshah — Fri, 18 Jul 2008 18:55:39 +0000

ગુજરાતી સાહિત્ય સરિતાની જૂલાઇ મહિનાની બેઠક, 17મી જુલાઇના રોજ સાંજના સમયે “ભોજન” રેસ્ટોરંટમાં યોજવામાં આવી હતી.
બેઠકની શરૂઆતમાં શ્રી ફતેહઅલીભાઇ ચતુરે સભાજનોનું સ્વાગત કર્યું, ફતેહઅલીભાઇ ચતુરે સાહિત્ય સરિતાની આગામી છ માસના કો-ઓર્ડિનેટર તરીકે શ્રી કિરીટભાઇ ભક્તા અને સહાયક કો-ઓર્ડિનેટર તરીકે દેવિકાબેન ધ્રુવની નિયુક્તિ સર્વાનુમતે જાહેર કરી.

હ્યુસ્ટનના એક નામી સર્જક ‘સૂફી’ શ્રી મહંમદ અલી પરમારના જૂલાઇ 11 ના રોજ થયેલાં દુ:ખદ નિધન અંગે મૌન પાળવામાં આવ્યું.

સદગતનાં આધ્યાત્મિક સર્જન “આધ્યાત્મિક કાવ્યો” અને તેમનો બ્લોગ http://mohmadparmar.gujaratisahityasarita.org/ ની મુલાકાત લેવાનુ સુચવાયુ.તેમનુ એક કાવ્ય પણ વંચાયુ

કલમ પકડું છું ત્યારે પ્રેરણા માગું છું ઈશ્વર થી
સૂફી સંતો ક્યાં દુનિયાની નિશાળોમાં ભણેલા છે

સાહિત્ય-સરિતાની કેટલીક જરૂરી વાતો અને જાહેરાતો કરી બેઠકનું સૂકાન શ્રીમતિ સર્યુબેન પરીખને સોંપ્યુ.

વિશાલ મોણપરાનું સન્માન

આ બેઠકની યોજના મુખ્યત્વે,ગુજરાતીઓને કોમ્પુટરમાં ગુજરાતી કીપેડ લાવી આપનાર, ખ્યાતનામ નવયુવાન શ્રી વિશાલ મોનપરાને સન્માન આપવા અંગે કરવામાં આવી હતી.આ ઉપરાંત,”સોનામાં સુગંધ ભળે” તેમ તાજેતરમાં તેમના લગ્ન થયાં હોવાથી તેમની જીવન-સંગિની નયના સહ સત્કારનો પણ હેતુ સમાયેલો હતો.. આમ વિષય બની ગયો “સ્નેહભાવ સન્માન”.

રાબેતા મુજબ પ્રારંભમાં પ્રાર્થના કરવામાં આવી.ત્યારપછી સૌથી પ્રથમ વિવિધ સર્જકોએ પોતપોતાની કૃતિઓને વાંચી સંભળાવવાની શરુઆત કરી. શ્રી દરેડિયાએ સુંદરમ ની પ્રભુપ્રેમની રચના,છણાવટ સહિત રજૂ કરી.તે પછી માનનીય શ્રી ધીરુભાઇ શાહ,ફતેહઅલી ચતુર,દેવિકાબેન ધ્રુવ,સર્યુબેન પરીખ,રસિકભાઇ મેઘાણી,રસેશભાઇ દલાલ,વિજયભાઇ શાહ અને પ્રદીપભાઇએ પોતપોતાની રીતે રજૂઆત કરી,વિશાલ મોણપરાને જુદી જુદી રીતે સન્માન્યાં અને શુભેચ્છાઓ વ્યક્ત કરી. સાહિત્ય સરિતાના પરિવારમાં, સાત વર્ષમાં આ પહેલો માંગલિક પ્રસંગ હોઇ, સૌએ સાથે મળીને મંગળાષ્ટક ગાઇ, “કુર્યાત સદા મંગલમ “ ની વર્ષા વરસાવી,નવદંપતિને આશીર્વાદ પાઠવ્યાં. ભાઇ શ્રી પ્રદીપભાઇએ ભાવભેર પોતાની કૃતિ વાંચી, ફ્રેઇમમાં મઢી, વિશાલ-નયનાને સપ્રેમ ભેટ આપી.

બેઠકનો પૂર્વાર્ધ આ રીતે પૂરો થયા પછી,શ્રી વિશાલને સભાનો દોર સોંપવામાં આવ્યો.તેમણે શરૂઆત કરી પ્રેમની ગઝલથી…! તે પછી વિરહની શાયરી,ધૂળેટીનો રંગ,મિત્રો વિશે અહોભાવ,જીવનનો ધ્યેય વગેરે વિષયોને સંક્ષેપમાં સમાવી લીધા.આઇટી ક્ષેત્રે સિધ્ધિઓ પ્રાપ્ત કરનાર આ સીધા,સાદા,નમ્ર અને પ્રેમાળ નવયુવાનની કલમ પણ કેવી નોખી છે ? એની કેટલીક ઝલક જુઓ :

”તલવારની ધારને કટારની પડી નથી,
આકાશને આધારની પડી નથી,
ધ્યેય છે એક જ આગળ ધપવાનુ,
પાણીને આકારની પડી નથી”..

તો વળી ક્યાંક મિત્રોને બિરદાવતા કહે છે કે,

એક વેલાને અડીખમ વૃક્ષોના સહારા મળ્યાંછે,
ભર મઝ્ધારે કિનારા મળ્યા છે,
જીતની કેડી પર વણઝારા મળ્યાં છે,
મને તમ જેવા સિતારા મળ્યાં છે…

વગેરે ઘણી ગૌરવભરી તેમની કલમ ચાલે છે. ખરેખર,આઇ ટી જગતના આકાશમાં ઉડ્ડ્યન કરતાં તેમની સફળતાઓને બિરદાવતાં એમ કહેવું પડે કે, વિશાલ હ્યુસ્ટનની શાન છે અને ગુજરાતી સાહિત્ય સરિતાનું અભિમાન છે નયના મોણાપરાએ પણ, આગ્રહવશ થઇ, પ્રેમગીતની બે પંક્તિ ગાઇ, તેમના સંગીત-પ્રેમની ઝલક આપી.

છેલ્લે, કાંતિભાઇએ લાયબ્રેરીના પૂસ્તકોની વ્યવસ્થા અંગે તથા વિજય શાહ સર્જિત “પૂ.મોટાભાઇ” ની ડીવીડીની ઉપલબ્ધિ અંગેની માહિતી આપી; વિનોદ પટેલે હવે પછી યોજાનાર અજંટા-ઇલોરાના ચિત્રો વિશે થનાર ચિત્ર પ્રદર્શન્ અને તે પરની કવિતાઓનો પ્રસ્તાવ રજૂ કર્યો; વિજય શાહે ન્યુજર્સીમાં યોજાનાર ‘ચાલો ગુજરાત’માં ગુજરાતી સાહિત્ય સરિતાને મળેલાં આમંત્રણ વિષે વાત કરી;

છેલ્લે, પરસ્પર આભારવિધિ પછી સભાની સમાપ્તિ થઇ.

દેવિકાબેન ધ્રુવ.

પુજ્ય મોટાભાઇ નાટક વિડિયો

admin — Tue, 15 Jul 2008 14:45:40 +0000

જુન મહીનાની ગુજરાતી સાહિત્ય સરિતાની બેઠકમાં શ્રી વિજય શાહની પત્ર શ્રેણી “પુજ્ય મોટાભાઇ” નાટ્ય સ્વરૂપે ભજવાઇ હતી. તેનો વિડિયો તમે અહીંથી માણી શકશો. બેઠકના સંપુર્ણ અહેવાલ માટે જુઓ જૂન (૨૦૦૮)મહીના ની બેઠક

You need to a flashplayer enabled browser to view this YouTube video

July 2008 Bethak

vijayshah — Mon, 14 Jul 2008 15:16:41 +0000

Mitro,

We are meeting at

Bhojan Restaurant
6855 A, SW Free way
Houston TX 77074

on Thursday 17Th July at 6.30 pm for our GSS meeting.
The dinner could be purchased at a discounted price.

The meeting will start at 7.30pm

Master of Ceremony:- Saryuben Parikh
Subject: “Snehbhaav Sanmaan”

Other matters:-

1) Honor Mr. & Mrs. Vishal & Nayanaa Monpara
2) To hand over the charge to new Coordinator of GSS for next period.

Please contact me or Saryuben if you are going to present your item.
Thanks

Fatehali Chatur

ગુજરાતી સાહિત્ય સરિતા લાઈબ્રેરી ની પુસ્તક યાદી

vijayshah — Sat, 05 Jul 2008 19:11:29 +0000

ક્રમ	પુસ્તક નું નામ	લેખક
૧.	મહાદેવભાઈની ડાયરી ભાગ ૧ થી ૨૭	મહાદેવભાઇ દેસાઈ
૨.	ઉર્મિનાં ઉદગાર	ભાનુભાઈ ત્રિવેદી
૩.	અંતરના અજવાળે	જગદીશ વ્યાસ
૪.	સાવિત્રી (એક અધ્યયન)	જગદીશ વ્યાસ
૫.	સમૂળી ક્રાંતિનાં સર્જક શ્રી અરવિંદ	જગદીશ વ્યાસ
૬.	એક્વેરિયમની માછલી	ડો. નવીન વિભાકર
૭.	વાદળ ઘેર્યા આભમાં	ડો. નવીન વિભાકર
૮.	ફૂલ કાંટાની બિછાત	ડો. નવીન વિભાકર
૯.	શતરંજનું મહોરુ	ડો. નવીન વિભાકર
૧૦.	નટ ક્રેકર ( ટુંકી વાર્તાઓ)	ડો. નવીન વિભાકર
૧૧.	કુસુમ કાપડીયા	ડો. નવીન વિભાકર
૧૨.	વિખુટી પડેલી પ્રીત	ડો. નવીન વિભાકર
૧૩.	સ્નેહ બંધન	ડો. નવીન વિભાકર
૧૪.	વિષનો પ્યાલો	ડો. નવીન વિભાકર
૧૫.	જાણ્યે અજાણ્યે / પાણીમાં મીન પીયાસી	ડો. નવીન વિભાકર
૧૬.	અમે અમેરિકન અમદાવાદી	મહેન્દ્ર શાહ
૧૭.	પારીજાત	ઉષા સુરકાથા
૧૮.	ગ્રામ વિકાસનો પ્રાણ	દેવશી પટેલ
૧૯.	સુધન (વાર્તા સંગ્રહ)	હર્નીશ જાની
૨૦.	ને સુરજ ઉગ્યો	આનંદ રાવ
૨૧.	ઈટ્યો અને બીજી વાર્તાઓ	પ્રેમલતા મજમુંદાર
૨૨.	પ્રકૃતિના પગલે	કુમુદ પરીખ
૨૩.	એક જ દે ચીનગારી ( સમગ્ર કવિતા )	હરીહર ભટ્ટ
૨૪.	નિહારીકા	સરલાબેન વ્યાસ
૨૫.	સાત પગલા સાથે	મીરા ભટ્ટ
૨૬.	Saving Us From Ourselves	નવીન દોશી
૨૭.	ગોરખ ગોપાલમ અને અન્ય કાવ્યો	ઈન્દ્ર શાહ
૨૮.	ભીંત ફાડીને ઉગ્યો પીપળો	વિઠ્ઠલ પંડ્યા
૨૯.	ગઝલ વિશ્વ	રાજેશ વ્યાસ/ અંકિત ત્રિવેદી
૩૦.	Tales Told By Dada	JagadIsh Sindhi
૩૧.	ભવો ભવની પ્રીત	ભૂપત વડોદરીયા
૩૨.	ઉપાસના	ડો ઈન્દ્રવદન દવે
૩૩.	હથેળી ઉપર બાદબાકી	ચંદ્રકાંત બક્ષી
૩૪.	કવિતા સુમન	સુમન અજમેરી
૩૫.	કંઠે કોળ્યુ ગીત	સુમન અજમેરી
૩૬.	હલક હુલ્લાસે ચઢી	સુમન અજમેરી
૩૭.	આકારનાં અમીજળ	સુમન અજમેરી
૩૮.	અંતરનાં ઓજસ	સુમન અજમેરી
૩૯.	સપ્તાયના	સુમન અજમેરી
૪૦.	તરવરાટ	સુમન અજમેરી
૪૧.	સૂરજ ઝળાં હળાં	સુમન અજમેરી
૪૨.	તરન્નુમ (ગઝલ સંગ્રહ )	સુમન અજમેરી
૪૩.	અંતઃ સલિલા	સુમન અજમેરી
૪૪.	હિલ્લોળ વિભોર ( ગીત સંગ્રહ )	સુમન અજમેરી
૪૫.	નવતર જોડકણાં	સુમન અજમેરી
૪૬.	શમણાં રુપેરી કોરનાં	સુમન અજમેરી
૪૭.	શમણાં ફાલ્યાં થોક થોક	સુમન અજમેરી
૪૮.	લોક જીભે રમતા જોડકણાં	સુમન અજમેરી
૪૯.	સપ્ત રંગી કથા માળા ( ભાગ ૧,૨ અને ૭)	સુમન અજમેરી
૫૦.	એક મઝાનું ઘર	રેખા શ્રોફ
૫૧.	સન્ધિ- ત્રી માસિક
૫૨.	ગુર્જરી ડાયજેસ્ટ

જૂન (૨૦૦૮)મહીના ની બેઠક

vijayshah — Mon, 23 Jun 2008 23:18:56 +0000

શ્રી મુકુંદ ગાંધી- પૂ. મોટાભાઈનાં પાત્રમાં

સંગીતકાર મનોજ મહેતા, મુકુંદભાઈ અને વર્ષાબેન શાહ પત્ર વાંચનની ક્ષણોમાં

પ્રવક્તા નાં પાત્રમાં વર્ષાબેન શાહ અને સોહમનાં પાત્રમાં શ્રી રસેશ દલાલ

નાટ્યમાં તલ્લીન શ્રોતાગણ..વિજય શાહ, સતીશ પરીખ, નિખિલ મહેતા,ફતેહ અલી ચતુર્ સરયુબેન પરીખ, દેવિકાબેન ધ્રુવ અને પ્રશાંત મુનશા. પાછળની હરોળમાં રીધ્ધીબેન દેસાઈ, દીપાબેન દલાલ અને તેમના બેન તથા કનક બેન શાહ નાટક માણી રહ્યાં છે

નાટ્યમાં તલ્લીન રમઝાનભાઈ વિરાણી, હેમંતભાઈ ગજરાવાલા, સુરેશ બક્ષી, ઉમાબેન નગરશેઠ, નીરા બેન શાહ્ ગીરિશ ભાઈ પંડ્યા, પંકજભાઈ દેસાઈ, પૂર્ણીમાબેન ગજરાવાલા, રસિક મેઘાણી રાજેશ દેસાઈ, ભાવિક અને શ્રધ્ધા શાહ નાટક માણી રહ્યાં છે

ગુજરાતી સાહિત્ય સરિતાની જૂન મહીના ની બેઠક

ગુજરાતી સાહિત્ય સરિતાની જૂન મહીના ની બેઠક તા. ૨૨ જૂન ૨૦૦૮, રવિવારે શ્રી મુકુંદ ગાંધીને ત્યાં બપોરે ૨ વાગે આયોજાઈ. આ બેઠક્નો વિષય હતો “મારા પિતાજી” જે ફાધર ડે ને અનુલક્ષીને હતો. ધારણા હતીકે માતા ઉપર ઘણુ લખાણ છે પણ પિતા ઉપર ઓછુ લખાણ્ હોય છે તેથી આ વિષય થોડો અઘરો થશે પણ તેવુ ન બન્યુ અને ઘણા લખાણો વંચાયા કેલીફોર્નીયાનાં ડો ચંદ્રવદન મિસ્ત્રી થી માંડીને લાભશંકર ઠાકરનાં પુસ્તક “બાપા વિષે” સુધી ની મજલ ફાધર ડે ને જીવંત કરી ગઈ. પ્રવિણાબેન કડકીયા, દેવિકાબેન ધ્રુવ્, હિંમત શાહ, નુરુદ્દિન દરેડિયા, રમઝાન વિરાણી, સતીષ પરીખ, વિજય શાહ અને વર્ષા શાહે પોતાની પિતાજી વિશે કવિતા કહી, ફતેહઅલી ચતુરે વ્યંગાત્મક રીત આજની પેઢીની વાતો તેમની આગવી છ્ટામાં કહી.

આ બેઠક્નું વિશિષ્ટ પાસુ એ હતું કે ગુજરાતી સાહિત્ય સરિતાએ પહેલી વાર સ્વાયત્તતાનો હેતૂ પુર્ણ કર્યો.. સાત વર્ષ પહેલા આ પરિકલ્પના હતી કે સાહિત્ય સરિતા સંપૂર્ણ સ્વાયત્ત બને એટલે કે એવો પ્રોગ્રામ કરે કે જેમાં સંગીત નાટ્ય અને લેખન ત્રણેય કળાઓને વરેલા સભ્યો સર્વે સર્વા હોય્. આવો એક કાર્યક્રમ આજે યોજાયો. સભ્ય વિજય શાહની વેબ પત્રશ્રેણી “પૂ. મૉટાભાઈ” નાટ્ય સ્વરુપે ભજવાઈ તેનું નાટ્ય રુપાંતર અને ભજવનાર હતા શ્રી મુકુંદ ગાંધી, રસેશ દલાલ અને વર્ષા શાહ અને પાર્શ્વ સંગીત આપ્યુ હતુ શ્રી મનોજ મહેતાએ.

“પૂ. મોટાભાઈ” વેબ પત્ર શ્રેણી માતૃભૂમિ છોડીને પરદેશમાં ઠરીઠામ થયેલા આપણા સૌની કહાણી છે. માતાપિતા કુટુંબની છત્ર છાયા છોડીને આપણે આવ્યા. આજે તેઓ ની વૃધ્ધાવસ્થામાં તેઓ દિકરાઓની હૂંફ ઇચ્છે છે ત્યારે દિકરાઓ તેમના સંતાનો ને પણ તેટલીજ આર્તતા થી ચાહે છ તેથી તેઓ ત્યાં જઈ ને રહી નથી શકતા. બે સંસ્કૃતિ, બે પેઢીઓ વચ્ચેનો આ પ્રવાસ, સહવાસ અને સુંદરતાની સાથે જે ખાલીપો બંને પેઢીનાં માબાપો ભોગવે છે તેની શું ફલશ્રુતિ હોઈ શકે તેની વાતો થી આ નાટ્ય પ્રયોગ તેની ભજવણી દરમ્યાન દરેક નાટ્ય વણાંકો પ્રમાણે સભાગૃહનાં સભ્યો ને તન્મય અને એકરુપ કરી શક્યું હતું સૌ શ્રોતા નાટકનાં દરેકે દરેક પત્રોને વધાવતા જતા હતા. દર્દનાં પ્રસંગે અશ્રુધારા પણ જોવા મળતી હતી. શ્રી મુકુંદ અને મંજુબેન ગાંધીનાં ઘરમાં આયોજીત રંગમંચમાં ભારત અને અમેરીકાનાં ધ્વજ જે તે દેશ અને વેશ દર્શાવતા હતા. સવા કલાકનાં આ નાટક દરમ્યાન સભાગૃહનું રંગમંચ પર ભજવાતા નાટક પ્રત્યે માન ઉંચું હતું તે પત્ર પતે અને પડતી તાળીઓનાં ગુંજારવ થી સિધ્ધ થતુ હતુ.

આભાર વીધી કરતી વખતે વિજય શાહે જણાવ્યુ હતું કે આ પ્રયોગ ગુજરાતી સાહિત્ય સરિતાનાં સભ્યોની હુંફ અને માર્ગદર્શન વગર શક્ય ન બન્યુ હોત. આ આખી વાર્તા અને તેનો નાટ્ય પ્રયોગને ગુજરાતી સહિત્ય સરિતાની વેબ સાઈટ http://gujaratisahityasarita.org ઉપર જોવા મળશે.

for the News coverage by Gujarat Time Please click here 11_07_2008_007.pdf

-ફતેહ અલી ચતુર
ફોટો સૌજન્ય: સતીશ પરીખ

જૂન ૨૦૦૮ બેઠક

vijayshah — Fri, 30 May 2008 13:50:11 +0000

સાહિત્ય સરિતાનાં સભ્ય મિત્રો

જૂન મહીનામાં આવતા ” ફાધર્સ ડે” નિમિત્તે આપણને સૌને વડીલ અને માનનીય મુકુંદભાઈ ગાંધીને ત્યાં બેઠક આયોજવાનુ આમંત્રણ મળ્યુ છે.

તા. : ૦૬/૨૨/૨૦૦૮
સમય બપોરે ૨.૦૦ થી ૫.૦૦
સ્થળ 203 Kingfisher Dr
Sugarland, TX 77478

ફોનઃ
ઘર નંબર ૨૮૧-૨૪૨-૮૫૮૬
સેલ નંબર ૨૮૧-૬૬૦-૨૫૩૫

આ વખતની બેઠકમાં-વિષય-” મારા પિતાજી” રાખેલ છે જે સભ્યો પોતાની કૃતી રજુ કરવા માંગે છે તેમને વિનંતી કે તેઓ તેમની કૃતિ વિશે અને તેમની હાજરી વિષેની જાણ કો ઓર્ડીનેટર શ્રી ફતેહઅલી ચતુરને જાણ કરે (૮૩૨)૬૪૩-૮૭૫૩

આપણા સભ્ય વિજય શાહની પત્રશ્રેણી “પૂ.મોટાભાઈ” ઉપર વાર્તાલાપ થશે જેની રજુઆત સર્વશ્રી મુકુંદભાઈ ગાંધી રસેશ દલાલ અને વર્ષાબેન શાહ કરશે. પાર્શ્વ સંગીતની જવાબદારી શ્રી મનોજ મહેતા એ લીધી છે.અને સભા સંચાલન વર્ષાબેન શાહ કરશે.

આ પ્રોગ્રામમાં આપ સૌ ઉમળકા ભેર હાજર રહેશો તેવી અભિલાષા

વિદ્વાન પ્રો.સુમન શાહ-”ગુજરાતી સાહિત્ય સરિતા”ના આંગણે -અહેવાલ -દેવિકા ધ્રુવ

vijayshah — Tue, 20 May 2008 19:19:32 +0000

17મી મેની શનિવાર…બપોરના બરાબર બે વાગ્યે હ્યુસ્ટનની સાહિત્ય સરીતાના ઉપક્રમે યોજવામાં આવેલ બેઠકમાં, ભારતથી આવેલ પ્રો. સુમન શાહને આમંત્રિત કરવામાં આવ્યાં હતા.દર મહિને નિયમિત રીતે મળતી આ બેઠક, આ વખતે ભાઇ શ્રી અક્બરઅલી અને અમીનાબેન નરસીના નિવાસસ્થાને ગોઠવવામાંઆવી હતી.પ્રારંભમાં શ્રી રસિક મેઘાણીએ કાર્યક્રમની રૂપરેખાનો આછો ખ્યાલ આપ્યો હતો.તે પછી સર્યૂબેન પરીખની પ્રાર્થનાથી શરૂઆત કરવામાં આવી. ત્યારબાદ હ્યુસ્ટનના સ્થાનિક લેખક અને કવિ પ્રો. સુમન અજ્મેરીએ , ‘બે સુમન’ ની શબ્દરમત કરતા કરતા, શ્રોતાજનોને પ્રો.સુમન શાહનો વિશેષ પરિચય આપ્યો.. (more…)

મે ૨૦૦૮ બેઠક

vijayshah — Sat, 26 Apr 2008 19:10:00 +0000

Mitro,

It is our great pleasure to inform you that we have invited Professor Dr. Suman Shah from India as our guest on May17th to our GSS meeting. He is very learned and having tremendous knowledge on Gujarati literature. He is a Head of the department in Gujarat University, Ahmadabad and also Chief editor of a successful Gujarati magazine namely “KHEVANA”. He has written several books and has received several awards.

We are sure that everyone will enjoy his knowledge.

His detailed achievements are attached herewith.

We are also thankful to our own member Mr.& Mrs.Akbar ali & Amina Narsi, who has invited all for holding GSS monthly meeting at his residence.

ON :- SATURDAY 17th MAY ‘08
AT:- 2.00pm - 5.00pm

SPEAKERS:-

1)Prof. Suman Shah ( From India)

2) Rasik Meghani

3)Prof. Suman Ajmeri

4) Himansu Bhatt (Dallas, TX)

Phone:- 832 606 3535
Email:- akbaralinarsi@yahoo.com

Dear friends,
If all of us can R.S.V.P. with the host of the month, it will be very convinient for them to make the necessary arrangements.
Please email or call Akbarali Narsi at the above email address or phone number.

Appreciate your help.

Thank you ;

Regards

Fatehali Chatur & Prashant Munshaw.

એપ્રીલ ૨૦૦૮ બેઠક

vijayshah — Wed, 12 Mar 2008 16:14:50 +0000

Mitro,

The report of our March’08 Sahitya sarita Bethak is now available on our website.
Please go on www.gujaratisahityasarita.org

We are pleased to inform you that our new member, Dirghayu & Manisha Vaishnav have invited us at their home for the next month’s GSS bethak.

When: Sunday, April 6Th 2008 at 2.00pm
Master of ceremony: Mr. Dirghayu Vaishnav
Theme /Subject: April Fool (FOOL) OR April Phool (FLOWER) The choice is yours….!

Please Contact one of the following if you are presenting any article.
Fatehali Chatur (832) 643 8753 betterbargaininc@yahoo.com
Prashant Munshaw (281) 914 6838 pmunshaw@hotmail.com
Dirghayu vaishnav (281) 403 1043 Dave.Vaishnav@kbr.com

Since this circular is sent to you more than 3 weeks before the event, we recommend you to please mark your calender or flag the email so you may not forget.

Thanks & Regards

Fatehali Chatur
Prashant Munshaw

ગુજરાતી ગઝલ અંતાક્ષરી - વિડિયો

admin — Tue, 11 Mar 2008 13:44:29 +0000

ગુજરાતી સાહિત્ય સરિતા દ્વારા ગુજરાતી ભાષાને સતત જીવંત રાખવાના પ્રયાસ રૂપે વિવિધ કાર્યક્રમોનું આયોજન કરાતુ હોય છે. તેના જ એક ભાગરૂપે ગુજરાતી ગઝલની અંતાક્ષરીનો કાર્યક્રમ ૧લી માર્ચ ૨૦૦૮ ના રોજ યોજાયો હતો જેનો સંપુર્ણ વિડિયો નીચે અહીં ઊપલબ્ધ છે.

You need to a flashplayer enabled browser to view this YouTube video

You need to a flashplayer enabled browser to view this YouTube video

You need to a flashplayer enabled browser to view this YouTube video

You need to a flashplayer enabled browser to view this YouTube video

આ શેર અંતાક્ષરીનાં સર્જક પ્રો. સુમન અજમેરીનો પણ મુદ્રણ પરવાનગીઆપવા બદલ આભાર
આ શેર અંતાક્ષરી ટાઈપ કરી અત્રે રજુ કરવા બદલ દેવીકાબેન ધ્રુવ નો આભાર.

     *****************************       *************************

ઢમ ઢમ બાજે ઢોલ નગારાં, યારો રમવા આવો;
શેર,ગઝલ સરવાણી મીઠી શબ્દે શબ્દે વહાવો..        ( પ્રો.સુમન અજમેરી )

વતનની ધૂળથી માથું ભરી લઉં આદિલ
અરે આ ધૂળ પછી ઉમ્રભર મળે ન મળે.                  ( આદિલ મનસુરી )

લાખ વર્ષો બાદ લાગી બદદૂઆ ડૂબનારની,
સાગરો સુકાઇ જઇને રણ બિચારા થઇ ગયાં..           ( બેફામ )

યા પ્યારથી એને પંપાળો, યા ક્રુર થઇને ધૂત્કારો,
આ લોકે રહે કે પરલોકે,સાગર તો તમારો કહેવાશે.     ( સાગર કુતિયાનવી )

શૂન્ય,મારી જીંદગીને તો જ લેખું ધન્ય હું,
મૃત્યુ ટાણે પણ મળે જો ગોદ આ ગુજરાતની.           (શૂન્ય પાલનપુરી )

ન ધરા સુધી ન ગગન સુધી ,નહીં ઉન્નતિ ન પતન સુધી,
પણ આપણે તો જવું હતું,બસ એકમેકના મન સુધી.    ( ગની દહીંવાલા )

ધરમનું નામ દઇ શાને પીવાડો પ્રેમની પડીકી ?
જશે રહેંસાઇ માસુમો,નરાધમ હિંસ્રની ધરતી.             ( પ્રો.સુમન અજમેરી )

તને કોણે કીધું કે હું રંક છું,નથી રંક રાયનો રાય છું.
મને તોળ સત્યને છાબડે કે હું સત્યલોકનો ન્યાય છું.   ( અમૃત ઘાયલ )

છૂટી લટ ,ગુલાબી ચહેરો,આંખમાં શરમ,
પ્રિયે,છબીમાં યે તું કેવી શરમાયા કરે ?                    ( નઝીર શાયર )

રસમ અહીંની જુદી,નિયમ સાવ જુદા,
અમારે તો શબ્દો જ કંકુ ને ચોખા.                           ( મનોજ ખંડેરિયા )

ખુદને ખરાબ કહેવાની હિંમત નથી રહી,
તેથી બધા કહે છે કે જમાનો ખરાબ છે.                     ( મરીઝ )

છે ભીડ અહીં એકલતાની ને શહેર છે આ સન્નાટાનું,
ને નામ વગરના સ્ટેશનનો સંભાવ લઇને દોડું છું.      ( પ્રફુલ્લા વોરા )

છે આબરુનો પ્રશ્ન,ખબરદાર પાંપણો,
જાણી ન જાય કોઇ કે આંખો સજલ હતી..                  ( અમૃત ઘાયલ )

તું ઢાળ ઢોળિયો ને હું ગઝલનો દીવો કરું,
અંધારું ઘરને ઘેરી વળે એમ પણ બને.                    ( મનોજ ખંડેરિયા )

ન ધર્મભેદ છે એમાં, ન એની જાત મરીઝ,
આ અલ્લાહ અલ્લાહ ગઝલ છે કે રામ રામ ગઝલ ? ( મરીઝ )

લઇને હવે સાતેય અશ્વોને પલાણો આપણે
કે નપુંસક નીકળ્યો છે,શ્વાસ નામે સારથી.               (હરીશ ધોળી )

થાકી જવાનું કાયમ તલવાર તાણી તાણી,
ઇર્શાદ આપણે તો ઇશ્વરના નામે વાણી.                  ( ડો.ચીનુ મોદી )

નવાઇ તો છે કે ઉંડાણો ય છીછરા નીકળે,
કોઇ મનુષ્યની અંદર ડૂબી શકાતું નથી.                 ( રમેશ પારેખ )

થાકીને સાંજને ટાણે ‘રસિક’ બેસવું પડ્યું,
નહીંતર વિરાટ રણ મહીં રસ્તા ઘણાં હતા.            ( રસિક મેઘાણી )

તારી પાસે પહોંચવાની વાત કોરાણે રહી,
હું જ મારાથી હજું કેટલો યે દૂર છું.                        ( કિસ્મત કુરેશી )

છે હ્ર્દય ને આંખની ભાષા અલગ,
કોણ કોની આપશે ઓળખ હવે.                              ( અહમદ ગુલ )

વેશ બદલી રોજ તું આવે રઇશ એની સમીપ,
જિંદગી ચાલાક છે,હરદમ પિછાણી જાય છે.           ( ડો.રઇશ મણિયાર )

છે દિશાઓ ધુંધળી ને મંઝિલો નથી,
શ્વાસના બળતા ધખારે ક્યાં લગી જાશું ?              ( આહમદ મકરાણી )

શ્રધ્ધા જ મારી લઇ ગઇ મંઝિલ સુધી મને,
રસ્તો ભૂલી ગયો ને દિશા ફરી ગઇ.                     ( ગની દહીંવાલા )

ઇશ્વરની મૂઠ્ઠીમાંથી જે છટકી ગઇ કદી,
તે તો માણસ નામની જણસ હતી.                      ( ભગવતીકુમાર શર્મા )

તું મને એક ઝાંઝવું સમજે કે સમજે વાદળું,
આંગણે તારે વરસવા આ જનમ લીધો હતો.         ( ડો.અશરફ ડબ્બાવાલા )

તોય હું ભરવા મથું આખી નદી,
જીંદગી છે સાવ કાણી બાલદી.                           ( અશોકપુરી ગોસ્વામી )

દીધો’તો સ્વર્ગમાંથી જાકારો હે પ્રભુ,
બીજે ક્યાં જાય,નર્ક ભણી આદમી ગયાં.               ( મરીઝ )

યાદના જલતા દીવાઓથી વધ્યું અંધારું,
હું નર્યા મીણનો માણસ છું,ઓગળી જઇશ.            ( હરીન્દ્ર દવે )

શમાની વાત કરશો ના, દીવાની લૌને રોકે ફો’ ?
ભરી પરવાનને પાંખે જલીને રાખ થાવું છે.           ( પ્રો. સુમન અજમેરી )

છે હરણની ફાળ જેવા ઓરતા,
ને અરણમાં કચબો પાળ્યો તમે.                          ( કરસનદાસ લુહાર )

મૃત્યુની ઠેસ વાગશે તો શું થશે ‘જલન’,
જીવનની ઠેસથી તો હજે કળ વળી નથી.             ( જલન માતરી )

થાકી ગયો તો હું કે ચાલી શકત ન હું,
સારુ થયું કે લોક તો ઉંચકી ગયા મને.                ( કૈલાસ પંડિત )

નજર લાગી હજારો વાર હળવા ફૂલ હૈયાને,
કહો પાષાણ દિલને કોઇની ક્યારે નજર લાગી?     ( વિશ્વરથ )

ગળેથી જરા ઉતરી કે તોફાની થઇ ગઇ,
હતી જામમાં સાવ સાદી મદિરા !                       ( મરીઝ )

રંગબેરંગી જીવનના રંગ છે,
જાઉં છું ખીલવા ને ખરતો જાઉં છું.                      ( અમૃત ઘાયલ )

છાંય મળતી જાય પડછાયા વગર,
ગીતમાં સરતો રહું ગાયા વગર.                      ( મનોજ ખંડેરિયા )

રોજ એના એજ સાલા ફેફસાં વેંઢારવા,
રોજ એનું એ જ જીવ પર આવવું,શું ચીજ છે ? ( રમેશ પારેખ )

છેક પરપોટા સમી છે જીંદગી પણ,
નિત ઝરણાંની ગતિ છલછલ છલકવું.               ( ગુણવંત ઉપાધ્યાય )

વિરાટ પંથમાં થાકી વિરામ કરવા પણ,
પરાઇ ભીંતના છાંયે કદી નથી બેઠા.                 ( રસિક મેઘાણી )

ઠાઠ ભપકા એ જ ઇર્શાદના હવે
ઘર બળે તો તાપી લેવું જોઇએ.                         ( ડો. ચિનુ મોદી )

એ જ મુસાફિર જગમાં સાચો જેની પાછળ મંઝિલ ભટકે,
દીપ પતંગને કોઇ ન રોકે,પ્રીત અમારી સૌને ખટકે.     ( આસિમ રાંદેરી )

કેવા શુકનમાં પર્વતે આપી હશે વિદાય ?
નિજ ઘરથી નીકળી નદી પાછી વળી નથી.               ( જલન માતરી )

થઇ જાય પાંચે આંગળીઓ તુર્ત કાગડો,
મુઠ્ઠી તમે એ શહેરમાં ખોલીને શું કરો ?                    ( રમેશ પારેખ )

રડ્યું નથી છતાં ઓછપે ઘવાયું છે,
સવારનું આભ આમ ઝંખવાયુ છે.                             ( ડો. હેમંત દેસાઇ )

છું સતત અચરજ સ્વયં અસ્તિત્વ પર,
તું તપાવે તોયે હું તું જ પર ઠરું.                              ( અગમ પાલનપુરી )

રમું છું રંગીન મોસમની સાથે,તો ક્યારેક સંગીન જોખમની સાથે,
સરળતાથી ચાલું છું મુશ્કેલ પંથે,મને એવી આ જીંદગાની ગમે છે. ( શેખાદમ આબુવાલા )

છો હતી દુ:ખના સંકજામાં અમારી જીંદગાની,
તોય કો’ દિ હામ ખોઇ,ન કો’ દિ’ હાર માની.              ( રિન્દ ગુજરાતી )

ન ગગન ફરેબ આપે, ન ધરા ફરેબ આપે,
જો હ્ર્દય ફરેબ આપે,તો બધા ફરેબ આપે.               ( અબ્દુલ રઝાક ‘રશ્ક’ )

પરિચય છે મંદિરમાં દેવોને મારો,અને મસ્જિદોમાં ખુદા ઓળખે છે;
નથી મારું વ્યક્તિત્વ છાનું કોઇનાથી,તમારા પ્રતાપે બધા ઓળખે છે. (શૂન્ય પાલનપુરી )

છે ગજું કોનું કે સીમા-કદ કશું માપી શકે ?
ધરતીના પેટાળથી આભે ચઢી છે જીંદગી.             ( અંબાલાલ ડાયર )

ગુનામાં ભાર હોતે તો દબાઇ રે’તે તળિયામાં,
અભાગી લાશ છે,તરતી રહી દરિયાના સીના પર.   ( શવકીન જેતપુરી )

રડ્યા બેફામ સૌ મારા મરણ પર એ જ કારણથી,
હતો મારો જ એ અવસર, ને મારી હાજરી ન્હોતી.    ( બેફામ )

તમારા આ નાજુક પગોની ફિકર છે,
અમારા નગરની છે પથરાળ સડકો.                       (દીપક બારડોલીકર )

કંકુ પગલે થઇ કસુંબલ કોરે આ કાળજાની કાંચળી સરકી પડી,
ઉગતું એકાંત મારું પાંપણે આપને જોયા પછી થથરી ગયુ      (બાબુ દિલજલા )

યૌવનના ઘોડાપુરમાં સમજાય ક્યાં કશું ?
ત્યારે તો રોમે રોમમાં ઉન્માદ હોય છે.               (આદિલ મનસુરી )

છે અકળ બધી એની હિલચાલો બધી,
મન સમું છે કોણ બીજું મુત્સદ્દી ?                       (અશોકપુરી ગોસ્વામી )

દર્દ ઘૂંટાયું જિગરમાં એટલું,ઠેઠ લગ એ ઝેર થઇ વકરી ગયું,
મોત પણ મારી દશાને જોઇએ શોકમાં ડૂબી મને વિસરી ગયું. ( બાબુ દિલજલા )

યુગયુગથી પીએ સરિતા,સાગર તોયે પ્યાસો છે,
નહીંતર મેઘો ઉમટે ના કેકારવ છલકાયો છે.      (દીપક બારડોલીકર )

છે સલામત સ્વપ્ન કોનું વિશ્વમાં ?
ક્યાં સિકંદરની કશી છાયા મળે ?                   ( ચંદુ મહેસાનવી )

લાખ સૃષ્ટિની સુરાહી છલકાયા કરે,
જીંદગી પીનારની તળિયા વિનાનું જામ છે.    ( શૂન્ય પાલનપુરી )

છે હયાતી ચીજ એવી અજનબી,
ચીંથરામાં હોય જાણે કો’ નવાબ !                  ( આહમદ મકરાણી )

બને તો એમને કહેજો ખુશ્બૂ મ્યાનમાં રાખે,
બગીચામાં હમણાં બધા ફૂલોની ઘાત ચાલે છે. ( મનહર મોદી )

છણકો કરીને ઠેક લો તો ચાલમાં ગઝલ,
ને ઝાંઝરી રણકી ઉઠે તો પાયમાં ગઝલ.           ( યોસેફ મેકવાન )

લાગણીઓની સુલતાની પર રાજ કહો કોનું ચાલ્યું?
રચનારની એક કળી જીતી ગઇ ઝાંઝરના ઝણકારથી. ( ગોપાળ શાસ્ત્રી )

થઇ ધાડપાડુ ત્રાટકે સાહિલ ભલે સમય,
ટહૂકા ઉછેરવાનો અમારો સ્વભાવ છે.                    ( સાહિલ )

છે કાળ તો કાલીય નાગ જેવો,
થતું ઝેર સૌ જે હવે એ અડે છે.                             ( ઉશનસ )

છું શાંત અને ગંભીર ભલે, શરમાળ છે મારાં તીર ભલે,
ઓ પૂનમ, ઘૂંઘટ જરા ખોલ, હું એ જ છલકતો સાગર છું. ( શેખાદમ આબુવાલા )

છોડી રહ્યો છું આજ હું આ બંધિયાર વિશ્વને,
કાયમના માટે કોણ રહે આ કારાવાસમાં ?             ( ઘાયલ કુતિયાનવી )

મત્સ્ય ક્યાં જળવટું લઇને જશે ?
કાંઠે રેતીના પારાવાર ઉભા.                                ( ડો. રશીદ મીર )

ભલે ભપકા ભરેલો છું,છતાં અંગાર વેચું છું,
તને નીચો નમાવે એ બધો આભાર વેચું છું.           ( મનહર મોદી )

છેક તળિયેથી ઉલેચાવું પડે,
શબ્દને સમજાવવો સહેલો નથી.                         ( નટવર વ્યાસ )

થઇ ગયો એક જ ચમત્કારે તું ઇશ્વર,
મને માનવ થતાં બહું વાર લાગી.                       ( જિગર ટંકારવી )

ગુલાબી શીત પાલવને પ્રસારો તો ઘણું સારું,
ગરમ કિરણોને ગાળીને હજી હમણાં જ આવ્યો છું. ( ડો. એસ. એસ. રાહી )

છતાં મુજ પૂર્ણતામાં ‘શૈલ’ ઓછી થાય છે કૈં પણ
સનાતન શૂન્યમાં અસ્તિત્વ મારું નિત્ય ખોઉં છું.   ( શૈલ પાલનપુરી )

છણા થાપું,નાણા થાપું,થાપું આંખે અંધારાં,
તોય તને ક્યાં પામું ?ભૂંડા આયખાને ડંગોળી લૌ. ( પ્રો.સુમન અજમેરી )

લેશ પણ ભય ના સૂકાવાનો રહે,
માંયલો જેનો સમંદર સાત છે.                            ( ડો.ઉષા ઉપાધ્યાય )

છો હોય તે દૂર ગગન પર,ને હોય સર્વવ્યાપી,
અદભૂત સ્પર્શવાનું સૂરજ સમું તમારું.                 ( સંધ્યા ભટ્ટ )

રાત-દિ ઝૂલે વસંતી લ્હેર મધુવનમાં ભલે,
મ્હેંક મબલખ માણવાને શ્વાસ જેવું જોઇએ.          ( સુશીલ પાલનપુરી )

એ જ તું ને એ જ હું,એ જ ઓશીકે આજ તો સૂતાં ફેરવી મોંઢાં
તણખા ઝરે,બરડા અડે,અણજાણે ટકરાય દો લોઢાં. ( જગદીશ વ્યાસ )

ઢબૂક્યાં ઢોલ ચોરે અમે ગુલમ્હોર પીધો.
ખુશીથી ખોબે ખોબે અમે ગુલમ્હોરે પીધો.             ( દીપક બારડોલીકર )

*********************************************************************