Jan 31 2011

દશાબ્દિ મહોત્સવ” અંગે યોજાયેલ ખાસ વધારાની બેઠક “ઝલક”ની એક ઝલક/અહેવાલ–દેવિકા રાહુલ ધ્રુવ-

 GSS Flyer Feb 11 Final[1]

એક્સો તેરનો આંકડો શુકનવંતો રહ્યો.૨૯ જાન્યુ.ના રોજ, ઠંડી વગરની બપોરે,શૈલાબેન અને પ્રશાંતભાઇના હુંફાળા આવાસ-સ્થાને,આ મહિનાની વધુ એક બેઠક યોજાઇ.આ ૧૧૩ મી બેઠક દર વખત કરતાં જુદી હતી.
નિર્ધારિત સમયે ઘણા સભ્યો આવી ગયા હતા.દરેકના ચહેરા પર આગામી કાર્યક્રમની “ઝલક” દ્વારા વધુ જાણવાની ઉત્સુક્તા હતી તો કલાકારોની પણ પૂરી સજ્જતા હતી.
સૌથી પ્રથમ સંસ્થાના સંચાલક તરીકે દેવિકાબેને સૌ મિત્રોને સંબોધી,તેમનુ સ્વાગત કરીને શરુઆત કરી અને સૂત્રધાર તરીકે રસેશભાઇ દલાલને દોર સોંપ્યો.
સૌથી પ્રથમ ઝલક હતી ફતેહલીભાઇના નાટક ‘ જો જો મોડું ન થાય “. સચિવાલયની ઓફિસ પાસેના રસ્તા પર એક બેનની ઉપર ઝાડ પડ્યું છે અને સચિવાલયના કર્મચારીઓના પ્રતિભાવો અને એક પછી એક વલણ, પ્રવર્તમાન હકીકત પર આબાદ કટાક્ષ ફેંકી સૌને હસાવી જાય છે.
બીજી ઝલક “કવિ અને કવિતા” ની રજૂ કરવામાં આવી. આદ્ય કવિ  શ્રી નરસિંહ મહેતા અને સુગમ સંગીતના પર્યાય સમા શ્રી અવિનાશ વ્યાસના ગુજરાતી સાહિત્યમાં પ્રદાન વિષે નાનકડા વક્તવ્યની સાથે સાથે બંનેના એક એક ગીતની ઝલક ભાઇ શ્રી મનોજ મહેતા અને કલ્પના મહેતાના કંઠે સાંભળવા મળી.
ત્રીજી ઝલક હતી રાહુલ ધ્રુવ દિગ્દર્શીત અને લિખિત એકાંકી “ગુજરાત તારું ગૌરવ”ની. અમેરિકનાઇઝ્ડ પતિ અને આદર્શ ગુજરાતી નાર વચ્ચેની ચકમકથી નાટકની શરુઆત થાય છે અને પછી પત્ની ગુજરાતના ગૌરવની ગાથા જોરશોરથી સંભળાવે છે. અંતે શું થાય છે એ રહસ્ય તો પુરૂં નાટક જોવાથી જ જાણવા મળે ને  !!
સભાજનોએ આ પ્રયોગને ખુબ બિરદાવ્યો અને પ્રોગ્રામની સફળતાની આનંદપૂર્વક આશા સેવી.
ત્યારપછી રસેશભાઇએ રંગબેરંગોથી સજાવેલ સુંદર સુંદર ટિકિટો  અને ફ્લાયર રજૂ કરી સૌને મુગ્ધ કર્યા તો વિજયભાઇ શાહે દશાબ્દિ મહોત્સવ નિમિત્તે પોતાના હાથ ધરેલ સોવેનિયરના નામાભિધાનની અલંકારિક અને રસપ્રદ રીતે વાત કરી અને વિગતવાર માહિતી આપી. પ્રો.શ્રી સુમનભાઇ અજમેરીએ સૂચવેલું નામ સોવેનિયરની સ્મરણીકા રૂપે“કલનિનાદ” નક્કી રાખવામાં આવ્યું.
સંસ્થાના ખજાનચી શ્રી પ્રશાંતભાઇ મુન્શાએ સૌ સભ્યોને સોવેનિયરમાં જાહેરાત અંગે, ટિકિટોના વેચાણ અંગે અને અન્ય નાનામોટા કામો અંગે સહકારની વાત કરી. પોતે જે સહજ રીતે આ કામમાં આશ્ચર્યજનક પ્રતિભાવો મેળવી રહ્યા છે તેની પણ મન મૂકીને વાત કરી.
સભાજનોમાંથી શ્રી રાહુલ ધ્રુવ,વિનોદભાઇ પટેલ,વિપુલભાઇ માંકડ,નિખિલ મહેતા,દિપકભાઇ ભટ્ટ,પ્રવીણાબેન કડકિયા,રમઝાન વિરાણી વગેરેના કિમતી સૂચનો પણ નોંધવામાં આવ્યાં.વયોવૃધ્ધ અને પૂજનીય શ્રી અંબુભાઇ દેસાઇ તથા વિદ્વાન શ્રી સુમનભાઇ અજમેરીની હાજરી પ્રેરક રહી. તો સાથે સાથે નિયમિત હાજર રહેનાર શ્રી વિશ્વદીપ બારડ,હેમંતભાઇ ગજરાવાલા,મધુસુદન દેસાઇ,ડો.રમેશભાઇ અને ઇન્દુબેન શાહ,સુરેશભાઇ બક્ષી નુરુદ્દીન દરેડિયા,અકબર લાખાણી તથા અન્ય કેટલાંકની સંજોગવશાત રહેલ ગેરહાજરી પણ સાલી.
છેલ્લે અતિ ભાવિક,પ્રેમાળ અને સક્રિય એવા શૈલાબેન અને પ્રશાંતભાઇનું સ્વાદિષ્ટ ભોજન માણી સૌ છૂટા પડ્યા.તે બંનેનો ખુબ ખુબ આભાર.
એકંદરે “ઝલક” નો પ્રયોગ ખુબ સફળ રહ્યો. કાર્યક્રમની આતુરતા વધી ગઇ અને કદાચ એટલે જ ટિકિટો  પણ “on the spot” ઘણી વેચાઇ ગઇ. કાર્યક્રમના આયોજકના મુખ પર સંતોષ અને આનંદની આભા છલકતી હતી.
વાંચકમિત્રો,આપ પણ આપની ટિકિટો સત્વરે મેળવી લેશો.
શુભ આશયથી થતા દરેક સહિયારા કામને સફળતાનું વરદાન છે જ !!

5 responses so far

5 Responses to “દશાબ્દિ મહોત્સવ” અંગે યોજાયેલ ખાસ વધારાની બેઠક “ઝલક”ની એક ઝલક/અહેવાલ–દેવિકા રાહુલ ધ્રુવ-”

  1. ઊર્મિon 07 Mar 2011 at 10:56 pm

    દશાબ્દિ મહોત્સવનાં અવસર નિમિત્તે ગુજરાતી સાહિત્ય સરીતાનાં દરેક સભ્યોને મારા આગોતરા હાર્દિક અભિનંદન… અને કાર્યક્રમની અઢળક સફળતા માટે મબલક શુભકામનાઓ.

  2. Rajul Shahon 08 Mar 2011 at 7:06 am

    ગુજરાતી સાહિત્ય દશાબ્દિ મહોત્સવની પૂર્વ તૈયારીની સમી ઝલક જો આવી રસપ્રદ હોય તો સમગ્ર કાર્યક્રમ પણ એટલો જ રસપ્રદ હશેને??

  3. vilas bhondeon 08 Mar 2011 at 7:07 am

    nice
    i wish ALL THE BEST for the program

  4. Kishore Patelon 08 Mar 2011 at 10:43 pm

    ગુજરાતી સાહિત્ય સરિતા હ્યુસ્ટનના દશાબ્દિ મહોત્સવ પ્રસંગે શબ્દસેતુ ટોરોન્ટોના હાર્દિક અભિનંદન. ખૂબ ખૂબ શુભેચ્છાઓ.
    ગુજરાતી ભાષાને જીવંત રાખવાના, આપના પ્રયત્નોમાં અમે સહુ સહભાગી છીએ.

    કિશોર શબ્દસેતુ, ટોરોન્ટો, કેનેડા.

  5. Janakbhaion 10 Mar 2011 at 3:23 am

    Dear Vijaybhai, Devikaben, Jyantibhai, Visvadeepbhai and all the members of Gujarati Sahitya Sarita,
    Thank you very much for the invitation. Unfortunately I am to come there in April for two months and so I will not have the chance to share the joy. But I am very glad to know that you are celebrating one decade of Gujarati Sahitya Sarita. All the best for the success of the celebration.
    Janakbhai

Comments RSS

Leave a Reply

Type in
Details available only for Indian languages
Settings Settings reset
Help
Indian language typing help
View Detailed Help