Jan 09 2022
બેઠક ક્રમાંક ૨૨૭નો અહેવાલ
વર્ષની અંતિમ બેઠક ૨૬ મી ડીસેમ્બર ૨૦૨૧ અને રવિવારના રોજ મળી હતી. આમ આપણી વાર્ષિક સાધારણ સભા ઝુમ પર મળી હતી. પ્રમુખ શ્રીમતી ચારુબહેન વ્યાસે સૌને આવકાર આપ્યો હતો.
શ્રી નિખીલભાઈ મહેતા એ પ્રાર્થના કરી હતી. ત્યારબાદ પ્રમુખ શ્રીમતી ચારુબહેન વ્યાસે અહેવાલ રજૂ કયૉ હતો.
તેમણે આખા વર્ષ દરમિયાન આયોજાયેલા કાર્યક્રમોનું વિહંગાવલોકન પ્રસ્તુત કર્યું. સાથે જેમના સહયોગ દ્વારા ગુજરાતી ભાષાના વિવિધ વિદ્વાનોને સાંભળવાની અમૂલ્ય તક મળી તે સહુનો આભાર માન્યો. સાથોસાથ નમ્રતા પૂર્વક જાણે-અજાણે કોઈનું પણ દિલ દુભાવ્યું હોય કે મનદુઃખ થયું હોય તો માફી પણ માંગી. ત્યાર બાદ આપણા ખજાનચી શ્રી પ્રફુલ ગાંધી એ ૨૦૨૧નો હિસાબ રજૂ કર્યો.
શ્રી પ્રફુલભાઇ ગાંધી એ મંત્રી સાથે ખજાનચી ની બેવડી જવાબદારી નિષ્ઠાપૂર્વક નિભાવવા બદલ અને શ્રી નીખિલભાઈ મહેતાનો સારાએ વર્ષ દરમીયાન સલાહકાર તરીકે ની અગત્યનાં માર્ગદર્શન બદલ આભાર માન્યો. દરેક કાર્યક્રમનું સુઘડ રેકોર્ડિંગ સમયસર કરી આપવા બદલ અવનિબેન મહેતા અને તેને સ્ટ્રીમલાઈન કરી વેબસાઈટ ઉપર મુકવા યોગ્ય કરી આપવા બદલ વિશાલભાઈ મોણપરા નો આભાર માન્યો.
શ્રીમતી ભારતીબહેન મજમુદારે ઉપ-પ્રમુખ શ્રીમતી જ્યોતિબહેન વ્યાસનો પરિચય આપ્યો હતો. શ્રી પ્રફુલભાઇ ગાંધી અને શ્રી નીખિલભાઈ મહેતા પોતાની જવાબદાર પોસ્ટ પર ચાલુ રહે તેવી વિનંતી કરી. જે તેમણે નમ્રતા સાથે સ્વીકારી હતી. હંમેશ મુજબ સરિતા ના માનવંતા સભ્યોનો સાથ અને સહકાર ચાલુ રહેશે તેવી આશા વ્યક્ત કરી હતી.
અસ્તુ
ચારુ વ્યાસ