ગુજરાતી સાહિત્ય સરિતા, હ્યુસ્ટનની બેઠક નં. ૨૫૯ઃ
અહેવાલઃ નરેન્દ્ર વેદ

ત્યારબાદ દેવિકાબહેને આપણી વેબસાઇટની વિગતવાત સફર કરાવી અને તેની વિવિધ શ્રેણીઓની માહિતી બતાવી. તેમણે બધાને પોતાના પ્રતિભાવો ત્યાં જ  Comment બોક્સમાં આપવા પ્રેર્યા. 

ત્યારબાદ નિશ્ચિત્ત કરેલ અન્ય વિષય “માનવ સ્વાતંત્ર્ય અને તેની પરિસીમા” તરફ બેઠક આગળ વધી. નરેન્દ્ર વેદે યાદ અપાવ્યું કે આગામી ચુંટણીનાં પરિણામોની અસર ફક્ત આ દેશમાં જ નહિં પણ સમસ્ત વિશ્વમાં ઘણા વર્ષ સુધી રહેશે. તેથી બધા નાગરીકોની વિવેક્બુદ્ધિથી કરેલ મતદાન અગત્યનો ભાગ ભજવશે. 

સીતાબહેન કાપડીઆએ આ જ  વિષય પર કહ્યું “જો તમને હસવાની સ્વતંત્રતા જોઈતી હોય તો બીજાને પણ હસવાની છૂટ આપવી જોઈએ. તો જ વિવાદ, હિંસા સુધી ન વધે.” આ જ વિષય પર દેવિકાબહેને, શ્રી ચંદ્રકાંત બક્ષીના સંસ્કૃતિ અને સ્વાતંત્ર્ય પર લખાયેલ પુસ્તક ‘આભંગ’ માંથી નીચે મુજબ એક નાનકડો અંશ વાંચ્યો હતો કે,
“સ્વતંત્રતા જન્મજાત છે, એ માણસને અપાયેલી છે. માણસને ‘સ્વતંત્ર ન થવાની’ પણ સ્વતંત્રતા નથી. ઈશ્વર વગરની દુનિયામાં માણસ એ સ્વાતંત્ર્યનો ઉપયોગ કરે છે;  સ્વતંત્રતા બે-લગામ બને છે અને  પોકારે છે: ‘સ્વાતંત્ર્ય ભયાવહ છે’ – Freedom is terror. ”
આગળ વધી તેમણે આ જ વિષય પર પોતાના વિચારો પણ રજૂ કર્યા હતા.

નીતીનભાઈ વ્યાસે તેમની પેરિસની સફરની યાદગાર વાતો સૌ સાથે આનંદપૂર્વક રજૂ કરી હતી.

 –નરેન્દ્ર વેદ
તા. ઑગષ્ટ ૯,૨૦૨૪

Comments RSS