Sep 02 2008
“ચાલો ગુજરાત્”નાં ૨૦૦૮ના વૈશ્વિક અધિવેશનમાં ગુજરાતી સાહિત્ય સરિતા- હ્યુસ્ટનનાં સભ્યોનાં પ્રભાવક કાર્યક્રમો.- પ્રો સુમન અજમેરી
“ચાલો ગુજરાત્”ના ઉદઘોષથી પ્રેરાઈને ગુજરાતી સાહિત્ય સરિતા-હ્યુસ્ટનની વિશિષ્ઠ કૌશલ્યતા ધરાવતા ૧૨ સભ્યોની ટુકડી ૨૮ ઓગષ્ટના રોજ પહોંચી. સુનીલ નાયક ની આગેવાનીમાં શરુ થતા આ અધિવેશનમાં ૧૫૦૦૦ જેટલા ગુજરાતીઓની સરભરા કરવા કરાયેલુ આયોજન ખુબ જ વ્યવસ્થીત હતું.
૧. ગુજરાત દર્શન અંતરીક્ષમાંથી
શનીવારે બપોરે ૧.૩૦ કલાકે નાસાનાં વૈજ્ઞાનિક અને અવકાશ વિજ્ઞાનનાં નિષ્ણાત ડો. કમલેશ લુલ્લા સમગ્ર શ્રોતા વર્ગને તેમની સાથે અંતરીક્ષ યાનમાં ૭૫૦૦૦ માઈલ ઉંચે શ્રાવ્ય દ્રશ્યના માધ્યમથી લઈ ગયાં. ભારત ભૂમિ અને ત્યાંથી ગુજરાત ઉપર લઈ જવાનો ડો કમલેશ લુલ્લાનો સમજુતી ભર્યો કાર્યક્રમ શરુ થયો સાથે સાથે જ્યારે અવકાશમાં દિવસ ફક્ત ૪૫ મીનીટનો છે અને તે સુર્યોદય અને સુર્યાસ્તનાં ચિત્ર સાથે ડો લુલ્લા દ્વારા ગુજરાતી કવિઓનાં કાવ્યોનું કાવ્ય પઠન શરુથયુ સુ.શ્રી. સરયૂ પરીખનાં મધુર સ્વરોથી. તેમણે કલાપીની કૃતિ “ભૂરું છે નભ સ્વચ્છ સ્વચ્છ” પઠન કર્યું. અંતરીક્ષમાં થી દેખાતી ગુજરાતની પૃષ્ઠ ભૂમિને અનુરુપ કાવ્યપંક્તિઓને શોધવામાં મદદ રુપ હતા સર્વ શ્રી પ્રો સુમન અજમેરી, ડો.અદમ ટંકારવી, કવિ રસિક મેઘાણી અને કવિ શોભિત દેસાઈ હતા. કવિ સુધીર દવે ની વાંસળી અને નીખીલ મહેતાનાં ઘડાયેલા અવાજમાં તે કાવ્ય પંક્તિઓનું પઠન થયું.
ચંદ્રનાં ધરાતલ પરથી પૃથ્વીનાં ઉદયનું ચિત્ર, ગુજરાતનાં પર્વતો, નદીઓ, દરિયા કિનારો, વિવિધ શહેરોનું અને તીર્થ સ્થળોનું ડો લુલ્લાનાં વક્તવ્ય સાથેનું વર્ણન ખુબ જ રોચક અને ઉપભોગ્ય રહ્યું. અધિવેશનમાં પધારેલ બૌધ્ધીકોથી વિક્રમ સારાભાઇ હોલ ભરાયેલો હતો. અને તે સૌ ડો લુલ્લાનાં તાદ્રશ્ય ખ્યાલ આપતા ફોટોગ્રાફ્સને જિજ્ઞાસુ આંખો અને નવુ જાણ્યાની અભિવ્યક્તિ હતી. અંતમાં ડો લુલ્લાએ બે બાળકોને અંતરીક્ષના ચિત્રો આપી આશા વ્યક્ત કરી કે ભવિષ્ય નવી પેઢી અવકાશ જ્ઞાન સુચારુ રુપે મેળવે. પ્રશ્નોત્તરીનો સમય પણ રસપ્રદ રહ્યો.
http://www.gujarattimes.com/artMailDisp.aspx?article=26_09_2008_005_001&typ=1&pub=360
૨. વાનપ્રસ્થાશ્રમનાં દ્વારે
બપોરે ૩.૩૦નાં તબક્કે કસ્તુરબા ગાંધી હોલમાં સીનીયર સીટીઝન માટે આયોજીત વ્યાખ્યાન શ્રેણીમાં ગુજરાતી સાહિત્ય સરિતાનાં શ્રી વિજય શાહે નિવૃત્તિનાં તબક્કે દાખલ થતા અને નિવૃત્ત થયેલા દરેકને માટે માર્ગદર્શન આપવાનુ બૃહદ કાર્ય સહજ રીતે કર્યુ. શ્રી વિજય શાહે કહ્યું નિવૃત્તિ તે તો સ્વર્ણયુગ છે જેમા અર્થ ઉપાર્જન કર્યા સિવાય ગમતુ ઘણું થઈ શકે છે. અને તે કરતા ઘણા ઉદાહરણો તેમણે આપ્યા. જીવનમાં જે સ્વપ્નોને સાકાર કરવાનો સમય નહોંતો મળ્યો તે સ્વપ્નોને સાકાર કરવાનો આ સમય છે. સૌથી નવો અને નિવૃત્ત માણસને ગમતો લોકભોગ્ય પ્રયોગ છે ડાયરી લખો અને તે દ્વારા તમારી દરેક વાતો તમે તમારી આવનારી પેઢીને તમારો અનુભવ જ્ઞાન નો ભડાર આપો. ગુજરાતી ભાષામાં કેવી રીતે લખવું અને જે લખાયુ છે તે તમારા પૌત્ર પૌત્રીને આપવા કોમ્પ્યુટર ઉપર ગુજરાતી કેવી રીતે લખવુ તે વિશે શ્રી વિશાલ મોણપરા ને તેમના પ્રમુખ ટાઈપ પેડ અને અક્ષર સ્પેલ ચેકર સમજાવવા આમંત્ર્યા. www.gurjardesh.com વેબ સાઈટ ઉપર મુલાકાત લઈ વિશાલે શ્રોતાઓને સમજાવ્યું કે સાચુ ગુજરાતી લખવું હવે ખુબ જ સરળ છે.
વ્યાખ્યાન દરમ્યાન તેમણે કહ્યું કે હસતા રહો અને હસતા રાખો તો જ દુનિયા તમારી સાથે રહેશે..રડતા અને દોષ દર્શી માણસોથી સૌ દુર રહે છે. ગમતી અન્ય પ્રવૃત્તિમાં સક્રિય થવા પ્રારંભીક તબક્કે કદાચ તમે કુટુંબને નડી જાવ તેવુ બને. પણ આ નવો તબક્કો છે અનુકુલન જેટલુ વધશે તેમ તમે કોઇને નડ્યા વિના ઘરમાં તમને મળેલો વધારે સમય અનુકુળ થઈ શકશો. આ ઉપરાંત તેમણે ઘણી ઉપયોગી માહીતિઓ આપી જે તેમની વેબ પેજ www.gsshouston.wordpress.com ઉપર છે.
શ્રી સુબોધ શાહે વિજય શાહનો આભાર માની ચાલો ગુજરાતનું સ્મૃતિ ચિન્હ આપી સન્માન્યા.
http://www.gujarattimes.com/artMailDisp.aspx?article=03_10_2008_010_003&typ=1&pub=360
૩. શેર અંતાક્ષરી
રવિવારે બપોરે ૩.૦૦ કલાકે ગુજરાતી સાહિત્ય સરિતાની રજુઆત શેર અંતાક્ષરી મુખ્ય મંચ ઉપર હતી ૧૦૦૦૦ ની જન મેદની સમાવતું મુખ્ય થીયેટર પર શ્રી વિજય શાહને પુષ્પગુચ્છથી સન્માની આયના પ્રતિનિધિ એ મુખ્ય સંચાલકો કીરિટકુમાર ભક્ત અને મોના નાયક ને આમંત્ર્યા. શેર અંતાક્ષરીનું નિયોજન વિશ્વમાં આટલા મોટા સ્તરે સૌથી પ્રથમ વખત થતુ હોવાથી તેના નિયમો અને વિવ્ધ ચરણો ની માહીતિ આપી સૌ પ્રથમ નિરિક્ષક તરીકે ગુજરાત ટાઇમ્સનાં મુખ્ય તંત્રી અને સંચાલક પ્રકાશ પારેખ, પીઢ કવિ અને ગદ્યકાર પ્રો. સુમન અજમેરી અને ગઝલકાર રસિક મેઘાણી ને આમંત્ર્યા. સ્પર્ધકોની ત્રણ ટીમ હતી સત્યમ ( મનોજ મહેતા અને ફતેહ અલી ચતુર્) શિવમ (વિજય શાહ અને સુરેશ બક્ષી) અને સુંદરમ (નીખિલ મહેતા અને સરયૂ પરીખ).
sheraxari-team-on-the-stage.JPG
sheraxari-team-with-judges.JPG
શેર અંતાક્ષરી નવો વિષય હતો તેથી તેમા અપાતી વિગતો ઘણાને ગમી . એકંદરે પ્રયોગને સૌ એ આવકાર્યો અને પરીક્ષક શ્રી પ્રકાશ પારેખે સત્યમ ટીમને વિજેતા જાહેર કરી તેમણે ગુજરાતી સાહિત્યનાં આ પ્રયત્નને નવતર પ્રયોગ તરીકે બીરદાવ્યો વખાણ્યો અને આશાવાદ દર્શાવ્યો કે શેર અંતાક્ષરી જેવા પ્રયોગો વધુ થાય કે જેથી ગુજરાતી શાયરો અને તેમની પાણીદાર રચનાઓ દ્વારા માતૃભાષાનો વારસો જાણવા અને જાળવવામાં મદદ રુપ થશે.
http://www.gujarattimes.com/ArticleImageEx.aspx?article=26_09_2008_006_001&type=1&mode=1
Cogratulations….So proud of our team…
let us fly higher and higher..
સહુ મિત્રોને ખૂબ ખૂબ અભિનંદન…
ખૂબ ખૂબ અભિનંદન