હ્યુસ્ટન સાહિત્ય સરિતાના ઉપક્રમે તારિખ ચોથી જુન ને શુક્રવારની સાંજે યુવાન કવિ, નાટ્યકાર,ગઝલગાયક શ્રી.મનોજ મહેતા અને કલ્પનાબેન મહેતાના નિવાસસ્થાને સ્વ.આદિલ મન્સૂરીની ગઝલોને સંગીત સ્વરૂપે ગાઇને રજૂ કરવાનો એક સુંદર કાર્યક્રમ યોજાઇ ગયો.

એ  સૂરિલી સાંજ હતી ગઝલના અભિસારની.
એ  સૂરિલી સાંજ હતી હૈયે પ્રેમ-માર્દવના આવિષ્કારની.
એ  સૂરિલી સાંજ હતી વસંતની વેણીએ બંધાયેલા ફૂલની મીઠી વ્યગ્રતાની.
એ  સૂરિલી સાંજ હતી સ્વ.આદીલ મન્સૂરીની શામે-ગઝલની.

ઉદઘોષક ઉમાબેન, ઉદયન શાહ, કલ્પના અને મનોજ મહેતા, રાજેશ શાહ 

શબ્દ અને સંગીતની આ શામે-ગઝલની મહેફિલમાં, સંસ્કાર નગરી હ્યુસ્ટનના કલા અને સંસ્કારપ્રેમી સુજ્ઞ જ્ઞાતા શ્રોતાઓ. છબિઃ જયંત પટેલ અને સતીશ પરિખ

મનોજ મહેતા, કલ્પના મહેતા, ઉદયન શાહ, ઉમાબેન નગરશેઠ અને અમિત પાઠક્નું વૃંદ હ્યુસ્ટન ખાતે પીરસી રહ્યા હતા કેરીયોકી મહેફીલ. કાર્યક્રમના -ઉદઘોષક હતા-ભારતિય સંસ્કૃતિના એમ્બેસેડર તરીકે ઓળખાતા હ્યુસ્ટનની ઉપાસના ન્રુત્ય એકેડેમીના પ્રણેતા અને નાટ્યકાર શ્રીમતિ ઉમાબેન નગરશેઠ.કાર્યક્રમની શરૂઆતમાં તેમણે આવકાર અને સ્વાગતના બે શબ્દો કહીને હ્યુટનના પીઢ કવિશ્રી.સુમન અજમેરીને આદિલભાઇ વિષે બે શબ્દો કહેવાની વિનંતિ કરી. શ્રી.સુમન અજમેરી કે જેમણે આદિલ મન્સુરી વિષે ૪૫૦ પાનાનું પુસ્તક લખ્યું છે તેમણે આદિલના શરુઆતના જીવન-સંઘર્ષની વાતો જણાવતાં,તેમના ઉમાશંકર જોશી,સ્નેહરશ્મિ,અને યશવંત શુક્લ સાથેના પ્રસંગો, ‘ રે મઠ ‘ની સ્થાપનાની વાતો,શ્રી.ચિનુ મોદી, મનહર મોદી સાથેની તેમની પ્રથમ મુલાકાતની વાતો, અમદાવાદની રીલીફ સિનેમા પાસેની ઇમ્પિરીયલ હોટેલમાં થતી ગુફ્તેગો, કાવ્ય-દિલ્લગી વગેરે જુના સંસ્મરણો વાગોળ્યા હતા..

તે પછી,  વિજય શાહે બિસ્મિલ મન્સૂરિનો ઓડિયો-મેસેજ રજુ કર્યો હતો જેમાંનું એક કાવ્ય ‘ ને…આંખ જોતી રહી ગૈ ‘ ની એક એક પંક્તિ પર શ્રોતાઓની આંખો ભીની થઇ જતી હતી. જે અત્રે નીચેની લિન્ક્માં મુકેલ છે. 

http://www.youtube.com/watch?v=QSIAhj3d97Y

આદિલ સાહેબ જ્યારે ૨૦૦૨ અને ૨૦૦૩ દરમ્યાન હ્યુસ્ટ્નની મુલાકાતે આવ્યા હતા તે સમયનાં સંભારણા આ પાવર પોઇન્ટમાં મુક્યા છે.

 आदिल दिलसे

આ પ્રસંગે લીધેલા ચિત્રો  પિકાસાવેબ પર  સતિશભાઇ પરીખે મુકેલ છે.

http://picasaweb.google.com/lh/sredir?uname=106665510844427562645&target=ALBUM&id=5480021182659412433&authkey=Gv1sRgCKXWibDu1rLw9gE&feat=email

સ્ટેજ પરના બધા જ ગાયકોના કંઠે રજૂ થયેલ શૌર્યગીત ‘ વિશ્વને રોશન કરી ગઇ દિપીકા ગુજરતની ‘માં મનોજ મહેતા, કલ્પના મહેતા, ઉદયન શાહ,સંજય શાહ, અમિત પાઠક તથા ઉમાબેન નગરશેઠે સ્વર આપ્યો હતો.

ગીત-ગઝલના દૌરમાં શ્રીમતિ કલપનાબેન મહેતાના સૂરિલા કંઠે રજૂ થયેલ રચનાઓમાં ‘અગ્નિ સૌ બાળવા મથે છે મને’,  સ્પર્ષ થઈ મહોરી ઉઠે કી-બોર્ડ પર’,  હ્ર્દયના માર્ગ બધાં સાંકડા વધારે છે ‘,  ઉલ્લેખનીય રહી. તો મુખ્ય ગાયક શ્રી. મનોજ મહેતાના સ્વરમાં રજૂ થયેલ. ‘ મને ના શોધશો,હું ક્યાંય નથી’, ‘ આને મ્રુત્યુનું નામ ના આપો,મૂજથી છૂટું પડી રહ્યું છે કોઇ’,  ‘ રહે છે કોણ આ દર્પણના આયના નીચે, હું રોજ જોઉ તો પણ ઓળખાય નહીં’, અને છેલ્લે રજૂ થયેલ ‘ નદીની રેતમાં રમતું નગર ‘જેવી રચનાઓએ શ્રોતાઓને ભાવ-સમાધીની અનૂભુતિ કરાવી દીધી હતી.

હ્યુટનના વોઇસ ઓફ મુકેશ તરિકે ઓળખાતા શ્રી. ઉદયન શાહે રજૂ કરેલ ગઝલો ‘ કદી મોલ થઈને સરી ગયા,કદી સઢ થઈને તરી ગયા’,  કોઇના નામનું રટણ થાયે,જ્યાં સુધી શ્વાસની ધમણ ચાલે’, ‘ જિન્દગી ભર રહે તે ખૂમારી આપો, ઘાવ આપો તો જરા જોઈ વિચારીને આપો’, ‘ જ્યારે પ્રણયની જગમાં શરૂઆત થઈ હશે,ત્યારે જગમાં ગઝલની શરૂઆત થઈ હશે’,જેવી રચનઓએ સાહિત્ય-રસિક ગઝલપ્રેમીઓને ડોલાવી દીધા હતા.

હ્યુસ્ટન નાટ્યકલા વ્રુંદના પ્રેસિડેન્ટ શ્રી. અશોક પટેલે આદિલભાઈને એક ચિત્રકાર, નાટ્યકાર તરિકે મુલવીને કાર્યક્રમનું  સમાપન કર્યું હતું.

શ્રી. અમિત પાઠક અને શ્રી.સંજય શાહે માઈક વ્યવસ્થા સંભાળી હતી.

શબ્દ અને સંગીતની આ શામે-ગઝલની મહેફિલમાં, સંસ્કાર નગરી હ્યુસ્ટનના કલા અને સંસ્કારપ્રેમી સુજ્ઞ જ્ઞાતા શ્રોતાઓએ  કાર્યક્રમમાં રજૂ થયેલ એક એક રચના પર શ્રોતાઓએ તાળીઓના ગડગડાટથી જોરદાર પ્રતિસાદ આપ્યો હતો.
એક રચના પૂરી થયા બાદ અને બીજી રચના શરૂ થતાં પહેલાં શ્રીમતિ ઉમાબેન નગરશેઠ જે ખૂબીથી વિવિધ પંક્તિઓ રજૂ કરીને ઉદબોધન કરતાં હતા તે શ્રી. અંકિત ત્રિવેદી અને શ્રી.તુષાર શુક્લાની યાદ આપી જતા હતા.

અંતે, યજમાન-દંપતી શ્રી.મનોજ મહેતા અને શ્રીમતિ કલ્પનાબેન મહેતાએ ખિચડી-શાક,વઘારેલી છાશ,તળેલા સારેવડા,અને ચટકેદાર અથાણાની મોજ કરાવી હતી.મનોજભાઇ અને કલ્પના બહેને ગુજરાતી સાહિત્ય સરિતાની બેઠક્માં દર વર્ષે આવા નૂતન અને મનોગમ્ય કાર્યક્રમ આપે છે. અને દર વખતની જેમ આ વખતે  પણ ઉમાબેન, ઉદયનભાઇ, મનોજ્ભાઇ અને કલ્પનાબહેન  શ્રોતાઓનું સ્ટેન્ડીગ ઓવેશન પામ્યા હતા.

સર્વ સભ્યોએ પ્રવિણાબેન કડકીયાના જેઓ કોર્ડીનેટર તરીકે નિવત્ત થયા  તેમના કામને વધાવ્યુ હતુ અને શ્રી હેમંત ગજરાવાલા કો ઓર્ડિનેટર તરીકે નિમાયા તેમને અભિનંદન આપ્યા હતા. 

આ કેરીઓકી મહેફીલ  આપ અહી જોઇ શકશો

http://www.youtube.com/watch?v=RHruAJBGLvU

http://www.youtube.com/watch?v=n5mXf5j0aWM

http://www.youtube.com/watch?v=KvuDYeDfqjw

http://www.youtube.com/watch?v=Xg4KeO5n1_k

http://www.youtube.com/watch?v=jN4dQfUAT3Y

http://www.youtube.com/watch?v=zX_N1WB_6_4

http://www.youtube.com/watch?v=-6rpp-jYQDw

http://www.youtube.com/watch?v=oLIaRqqMdLk

http://www.youtube.com/watch?v=BZNAzc7DLIc

http://www.youtube.com/watch?v=djAKvJ1FhEE

http://www.youtube.com/watch?v=d_nPZXgcDN0

http://www.youtube.com/watch?v=HPJ11H4s6Dw

http://www.youtube.com/watch?v=LsLUMCDObI8

http://www.youtube.com/watch?v=vEtdNPuaYxw

http://www.youtube.com/watch?v=STD81bYns2I

Comments RSS