Aug 21 2014
હ્યુસ્ટનમાં, ‘રાધાના હ્રદયે જશોદાનો જાયો’- ભક્તિસંગીત કાર્યક્રમ-શ્રી. નવીન બેન્કર
રાધાના હ્રદયે જશોદાનો જાયો’
એસોસીયેટેડ કો ઓર્ડીનેટર ફતેહઅલી ચતુર, માસ્ટર ઓફ સેરીમની શ્રી અશોક્ભાઇ પટેલ કલ્પનાબેન મહેતા અને મનોજ મહેતા
અહેવાલ- શ્રી. નવીન બેન્કર
‘હ્યુસ્તોનવી’ ના ઉપનામથી કવિતાઓ, ગઝલો લખતા ગાયક, કવિ, ગઝલકાર અને નાટ્ય-અભિનેતા એવા બહુરંગી કલાકાર શ્રી. મનોજ મહેતા અને તેમના પત્ની શ્રીમતી કલ્પનાબેન મહેતા ના હિકોરી હાર્વેસ્ટ ડ્રાઇવના નિવાસસ્થાને, બળેવના આગલા દિવસે એટલે કે નવમી ઓગસ્ટે ‘રાધાના હ્રદયે જશોદાનો જાયો’ એ શિર્ષક હેઠળ ભક્તિ-સંગીતનો એક અનોખો કાર્યક્રમ યોજવામાં આવ્યો હતો. શ્રી. મનોજ મહેતાએ આજથી પચીસેક વર્ષ પહેલાં, હ્યુસ્ટનમાં હ્યુસ્ટન નાટ્યકલા વૃંદના નેજા હેઠળ, ‘કોઇને માથે કાળ ભમે છે’ અને ‘ચોર’ જેવા એકાંકિ નાટકોમાં ભૂમિકા ભજવેલી એવું આજે ય યાદ છે. હમણાં, બે એક વર્ષ પહેલાં, શ્રી. મુકુંદ ગાંધીના યાદગાર નાટક ‘હું રીટાયર થયો’ માં પણ તે મહેમાન કલાકારની ભૂમિકામાં દેખાયા હતા.
સાંજના છ ના ટકોરે, કલ્પનાબેને પ્રાર્થનાથી શરુઆત કરી.અને શ્રી. મનોજભાઇએ, પુષ્ટીમાર્ગિય વૈષ્ણવોના પ્રિય એવી, ‘મારા ઘટમાં બિરાજતા શ્રીનાથજી’ જેવી જાણીતી રચના સંભળાવી અને ભાવિક શ્રોતાઓને ‘વોર્મ અપ’ કરી દીધા. શિર્ષકપંક્તિ પ્રમાણે રજૂ થયેલી કૃતિઓમાં રાધા અને જશોદા સાથેના સંબંધોના રંગછાંટણા ઉડાડતા કાવ્યો, ગીતો, ભજનોનું જ પ્રાધાન્ય રહ્યું. પ્રિયકાંત મણીયાર અને મૂકેશ જોશીની રચનાઓ પણ આ ગાયક-બેલડીએ રજૂ કરી હતી. ‘ આ નભ ઝૂક્યું તે કાનજી’, ‘શામ ઢલે જમના કિનારે’, ‘કાના આન પડી મૈં તેરે દ્વારે’, ‘રાધિકા તુને બંસરી ચૂરાઇ’, મોહેં પનઘટ પે નંદલાલ’, મારે પાલવડે બંધાયો જશોદાનો જાયો’, તારા વિના શ્યામ મને એકલડુ લાગે’, જેવા રાધા-કૃષ્ણના પ્રેમગીતો અને યશોદામૈયા સાથેના ‘મૈં નહીં માખણ ખાયો’, રાધિકા ગોરીસે કરા દે મેરો બ્યાહ’, ‘મૈંયા યશોદા,મૈં તેરા કનૈયા’,જેવી રચનાઓ પણ રજૂ કરવામાં આવી હતી.
ભક્તકવિ દયારામનું ‘નહીં બોલું, નહીં બોલુ, નહીં બોલું રે…’ની રજૂઆત પછી, કાર્યક્રમના સંકલનકાર શ્રી. અશોક પટેલે શ્રી. દયારામ અંગે જે વિવાદાસ્પદ વાત કરી એ ઘણાં શ્રોતાઓને ખુંચી. ‘ઓધાજી રે, મારા વ્હાલાને મળીને કહેજો’ ના લોકસંગીતનો અંદાજ પણ સહુની દાદ મેળવી ગયો હતો. અંતમાં ગવાયેલ ‘રાધા ઢૂંઢ રહી, કિસીને મેરા શ્યામ દેખા’ ની રમઝટે શ્રોતાઓને રંગમાં લાવી દીધા હતા.
ભારતની સાંસ્કૃતિક પરંપરામાં, શ્રાવણ માસને ભક્તિ-આરાધનાના પુણ્ય અવસર તરીકે ઉજવવામાં આવે છે. મનોજ-કલ્પનાએ પણ આ કાર્યક્રમ દ્વારા શ્રાવણના વધામણા કર્યા અને શ્રોતાઓના હૈયે ભાવોની રંગોળી પુરી દીધી.
સમગ્ર કાર્યક્રમનું સંચાલન હ્યુસ્ટનના પીઢ નાટ્યકલાકાર અને જોક્સ કહેવા માટે જાણીતા એવા શ્રી. અશોક પટેલે પોતાની હળવી અને રસાળ શૈલિમાં હળવાશપુર્વક કર્યું હતું. બે કૃતિની વચ્ચે વચ્ચે અંકિત ત્રિવેદી કે તુષાર શુક્લની જેમ ટહૂકા કરી લેતા હતા. વર્ષોથી શ્રી. અશોક પટેલ હ્યુસ્ટન નાટ્યકલા વૃંદના પ્રેસિડેન્ટ છે.
કાર્યક્રમને વધુ રસપ્રદ બનાવવા માટે મોટા સ્ક્રીનના ટીવીના પડદે, રાધા-કૃષ્ણ અને યશોદા-કાનુડાના નયનરમ્ય ચિત્રોની ક્લીપ્સ સતત પ્રસારિત થતી હતી.
આ પ્રોગ્રામને પોંખવા અને પ્રોત્સાહિત કરવા લગભગ ૬૦ જેટલા સંગીતપ્રેમીઓ હાજર રહ્યા હતા, જેમાં વ્યક્તિવિશેષ કહી શકાય તેવા ,સંગીતમાં રાગને જોવાનું વિઝન ધરાવતા, શ્રી. હેમંત ભાવસાર જેવા સંગીતજ્ઞ, હ્યુસ્ટન નાટ્યજગતના ભીષ્મપિતા ગણાતા શ્રી. મુકુંદ ગાંધી, સાહિત્યસરિતાના કો-ઓર્ડીનેટર અને સૌના લાડીલા શ્રી. ફતેહ અલી ચતુર, શીઘ્ર-કવયિત્રી શ્રીમતી પ્રવિણાબેન કડકિયા, હાસ્યલેખક શ્રી. ચીમન પટેલ (ચમન) , નાટ્ય-અભિનેત્રી રક્ષા પટેલ , શ્રી. વિજય શાહ, શ્રી. નિતીન વ્યાસ, શ્રી. નિખીલ મહેતા જેવા જાણીતા અગ્રગણ્ય નાગરીકોની નોંધ લીધા વગર આ અહેવાલ અધૂરો જ ગણાય. આ વ્યક્તિવિશેષ કલાકારોમાં સુરની બારીકાઈને પારખવાની અને શ્રુતિભેદ સમજવાની શક્તિ હોવાથી તેમનો વિશેષ ઉલ્લેખ કરવો પડે.
કાર્યક્રમને અંતે યજમાન ગાયકોએ આવનાર સૌ શ્રોતાઓને પ્રેમથી આગ્રહ કરી કરીને સ્વાદિષ્ટ ભોજનનો રસાસ્વાદ કરાવ્યો હતો.
અસ્તુ.
નવીન બેન્કર.
મનોજ્ભાઇ અને કલ્પના બહેન નો સાહિત્ય અને સંગીત્ક્ષેત્રે થયેલો વિકાસ જોઇને મન આનંદથી ભરાઇ ગયું અશોક્ભાઇ એ કહ્યું હતું તેમ આ કલાકાર બેડલી હવે શ્ટેજ ઉપર મોટા પ્રોગ્રામો આપવા સજ્જ છે.
આપના ઉજળા ભવિષ્યની આશા કરતા પ્રભુને પ્રાર્થના કરું કે આપની તપસ્યા હજી વધુ રંગ લાવે અને ગુજરાતી સાહિત્યને સંગીતે હજી મઢતા રહો.. ખુબ ખુબ આગળ વધો તેવી કોટી કોટી શુભેચ્છાઓ
com>
Dear Friends,
Thanks to you all from both of us for making the event a success, and to cheer us up to have quality production. We thank all GSS members and our friends and family who came to shine the event and to increase our enthusiasm.
Thanks to Ashokbhai for his involvement in this event and project. I am deeply expressing my gratitude to you. And vijaybhai for encouraging us do all.
To Navin Bhai Banker, you have written an excellent article covering almost all aspects of presentation and I do not see any deficiencies or inefficiencies in your writings or neither in ‘Jodanies’ or ‘word findings’. We both are obliged and feel privileged to see your wonderful and respectable article.
Thanks again to all and will plan, god forbid, something ‘Big’ next year, also.
I am in the process of seeing video and planning to convert it into DVD soon. And I will have it for you all to share, also.
– Kalpana and Manoj Mehta