Jan 07 2018

ગુજરાતી સા. સ. બેઠક # ૧૮૧ અહેવાલ

  

   ગુ.સા..ની બેઠકનો અહેવાલદેવિકા ધ્રુવ

ગુજરાતી સાહિત્ય સરિતા, હ્યુસ્ટનનીવર્ષ ૨૦૧૮ની પ્રથમ બેઠક (૧૮૧મી બેઠક) ૬ઠ્ઠી જાન્યુ. શનિવારની બપોરે૧૨.૩૦થી .૩૦ દરમ્યાન સુગરલેન્ડના ઍલ્ડ્રીજ પાર્ક કોમ્યુનીટી સેન્ટરના હોલમાં  યોજાઈ ગઈ.  બેઠકનું સંચાલન શ્રીમતિ શૈલાબેન મુન્શાએ સંભાળ્યું હતું.

 શ્રી નિખિલભાઈ મહેતાની સાથે સરસ્વતીના શ્લોકથી સામૂહિક પ્રાર્થના કર્યા બાદસંસ્થાના પ્રમુખ શ્રી.સતીશ પરીખે આવકાર પ્રવચન સાથે કેટલીક જરૂરી સૂચનાઓઅગત્યની જાહેરાતો અને  આગામી બેઠકો અંગેની માહિતી આપી હતી. તે ઉપરાંત સંસ્થાની વાર્ષિક સભ્ય ફી અંગે અલગ અલગ મતમતાંતરો,ચર્ચા,  શાબ્દિક અર્થઘટનોનું  સ્પષ્ટીકરણ વગેરે પ્રક્રિયાને અંતે  બહુમતીથી સુધારો જાહેર થયો કે વર્ષ ૨૦૧૮થી કુટુંબ દીઠ ૨૦ ડોલર સભ્યફી લેવામાં આવશે.

ત્યારપછી સભાનો દોર શ્રીમતિ શૈલાબેનને સોંપવામાં આવ્યોસૌથી પ્રથમ તેમણે યથોચિત કાવ્ય પંક્તિઓથી નવા વર્ષના અભિવાદન સાથે પ્રથમ વક્તા રાહુલ ધ્રુવને આમંત્રણ આપ્યું. તેમણે ટૂંકી બહેરનીએક મઝાની સ્વરચિત ગઝલ સંભળાવીશબ્દો હતાં કે, ‘હું  સીટી વગાડતો જાઉં છું. કુદરત નિહાળતો જાઉં છુંમનની સાથે વાતો કરતા કરતાઘણું બધું વિચારતો જાઉં છું.’ ગઝલ લખવા માટેનો આ તેમનો પ્રથમ પ્રયાસ આવકારદાયક હતો. તે પછી સૂત્રધારે એક પછી એક વક્તાઓને આમંત્ર્યા. હાસ્ય લેખક તરીકે જાણીતા થયેલ શ્રી ચીમનભાઈ પટેલે, પ્રાચીન કવિ અખાના છપ્પાની શૈલીમાં લખાયેલ તેમની સ્વરચના “એક ડાહ્યાને એવી ટેવ, પ્રસાદ માટે પૂજે દેવ” સૌને સંભળાવી.  તેમની સુંદર રીતે થતી જતી રજૂઆતને કારણે સભામાં હાસ્યરસ અને વ્યંગનો ભાવ સુપેરે ઝીલાતો હતો. ત્યારબાદ શ્રી નુરૂદ્દીન દરેડિયાએ સૂફી કવિ શ્રી મકરંદ દવેની એક ગઝલ સંભળાવી જેના શબ્દો હતા કે, “ધાર્યું થતું નથી તો ભલે કાંઈ ગમ નથી. એને ખુશી ગણું છું, કમાણી એ કમ નથી.” દરેક વક્તાની કૃતિને અનુરૂપ સૂત્રધારનો પ્રતિભાવ અને ઉચિત પંક્તિઓની રજૂઆત નોંધપાત્ર હતી.

સાહિત્ય સરિતાના એક નવા સભ્ય શ્રી ભૂપેન્દ્રભાઈ શેઠ પણ મકરસંક્રાન્તિ પર એક સરસ રચના લઈને આવ્યા હતા. તેમાં પોતાની બે પંક્તિનો ઉમેરો કરી એક અર્થસભર વાત રજૂ કરી કે,મારી જ દોર મારા હાથમાં છે. વિચારુ છું કે લાંબી સફર કરવા ઢીલ મૂકું કે ટૂંકા સમય માટે ખેંચુ કે કાપી નાંખુ? શ્રોતાઓને તેમની રચના ખૂબ ગમી. તે પછી દેવિકા ધ્રુવે અછાંદસ કવિતા વિષે વક્તવ્ય આપ્યું,  કવિ શ્રી જયંત પાઠકની એક  સુંદર અછાંદસ કવિતા સંભળાવી કે,’કવિતા કરવાનું બંધ કરીએ તો શું થાય?’ સાથે સાથે તેમણે પોતાની પણ એક કવિતા  રજૂ કરી અને આગામી બેઠકની વિવિધતા માટે કેટલાક સૂચનો/વિચારો રજૂ કર્યાં.

ત્યારબાદ શૈલાબેન મુન્શાએ મૃત્યુ વિષયક ‘બેફામ’નો એક શેર રજૂ કરી તે જ વિષય પરની એક અનામી રચના સંભળાવી કે, કાં તો મૃત્યુનું સ્વર્ગમાં લાઈવટેલીકાસ્ટ થવું જોઈએને કાં તો જીવતા હોઈએ ત્યારે મૃત્યુનું એક રિહર્સલ થવું જોઈએ.’ એક નવો જ વિચાર શ્રોતાજનોને મુગ્ધ કરી ગયો. સંસ્થાના બીજા એક માનીતા સભ્ય શ્રી ફતેહઅલીભાઈએ હંમેશની જેમ હિન્દીમાં, તેમની લાક્ષણિક અદામાં સુંદર રચના સંભળાવી. તેનો વિષય હોદ્દેદારોની ગુણવત્તા પર રમૂજ, કટાક્ષ છતાં માર્મિક રહ્યો. તે પછી એક સારા વાચક/પ્રતિભાવક એવા શ્રી પ્રશાંત મુન્શાએ કવિ શ્રી સુરેશ દલાલની ‘પાનખર’ અને બીજી ‘પ્રેમ’ વિશેની કવિતા રજૂ કરી. શ્રી જનાર્દન શાસ્ત્રીએ પોતાની ‘દીકરી’ વિષેની સ્વરચના પ્રસ્તૂત કરી. શ્રી નિખિલ મહેતાએ એક મઝાનો રમૂજી ટૂચકો કહી વાતાવરણને અલગ ભાવમાં ફેરવી દીધું. સારું વાંચેલુ કશુંક બેઠકમાં રજૂ કરવું એ સૂચન હોવાથી, ચીમનભાઈની ઇચ્છા મુજબ, શૈલાબેને તેમને ફરી આમંત્રણ આપ્યું અને તેમણે શ્રોતાજનોની માંગણીને માન આપી, કેલીફોર્નીયાના કવિ શ્રી મહેશ રાવલની એક ગઝલ વાંચી સંભળાવી.

આ બેઠક વ્યવસ્થિત હતી, નવા સભ્યો, નવી વિચારધારાઓ અને નવા વક્તાઓને કારણે સંતોષપ્રદ બની રહી. સૂત્રધારની  યોગ્ય તૈયારી નોંધપાત્ર હતી. આ ઉપરાંત બેઠકના યજમાન તરીકે શ્રી મનસુખભાઈ વાઘેલા, સતીશ પરીખ અને  અવારનવાર હાજર ન રહી શકવા છતાં છેલ્લાં ૨-૩ વર્ષથી સાહિત્ય સરિતાના સહાયક/પ્રોત્સાહક એવા શ્રી ગૌરવભાઈ ઝવેરીનો પણ અત્રે આભાર સહિત ઉલ્લેખ કરવો ઘટે.  પ્રમુખ શ્રી સતીશભાઈ, ભારતની મુલાકાતે જઈ રહ્યા હોઈ, હવે પછીની ત્રણ મહિના સુધીની, બેઠકનો કાર્યભાર ઉપપ્રમુખ શ્રી નીતિનભાઈ વ્યાસ અને ખજાનચી શ્રી મનસુખભાઈ વાઘેલા સંભાળશે તેની પણ નોંધ લેવાઈ.

અંતે પ્રમુખ શ્રીએ સૌનો આભાર માન્યો..સામૂહિક તસ્વીર લેવાયા બાદ  સભાની સમાપ્તિ કરવામાં આવી અને છેલ્લે અલ્પાહારને ન્યાય આપી સૌ વિખેરાયા.

૨૦૧૮ની

અસ્તુ.

દેવિકા ધ્રુવ

9 responses so far

9 Responses to “ગુજરાતી સા. સ. બેઠક # ૧૮૧ અહેવાલ”

  1. શૈલા મુન્શાon 08 Jan 2018 at 1:38 pm

    ગુજરાતી સાહિત્ય સરિતાના ગૌરવવંતા કવિયત્રી શ્રીમતિ દેવિકાબેનનો અહેવાલ વાંચતા એક સુરેખ ચિત્ર આંખ સામે રજુ થયું. જેઓ સભામાં હાજર નહોતા તેઓ આ અહેવાલ વાંચી જરૂર કશું ગુમાવ્યું છે એવી પ્રતિતી કરશે. ઓછ શબ્દોમાં સુપેરે સર્વ માહિતી કેવી રીતે આવરી લેવી, એ આ અહેવાલ વાંચીને શીખવા જેવું છે.

  2. Devika Rahul Dhruvaon 08 Jan 2018 at 2:34 pm

    શૈલાબેન,ખૂબ ખૂબ આભાર. તમારી જેમ સૌ સભ્યો આ બ્લોગની મુલાકાત લે તેવી આશા.

  3. Chiman Patelon 08 Jan 2018 at 7:54 pm

    શૈલાબેનની કોમેન્ટ સાથે સંમત થઈ આટલું ઉમેરીશ.
    આને કહેવાય અહેવાલ; નહિ લાંબો કે નહિ ટૂંકો!
    સાસની પ્રવૃતિનું ચિત્ર ચિતરાયું છે!
    આ અહેવાલમાં સાહિત્યની સુગંધ પણ મહેંકે છે.
    સાસની બહારના આ વાંચીને સાસના સભ્ય બનવા આગળ આવશે.
    દેવિકાબેનને ઘન્યવાદ.

  4. Hasmukh Doshion 08 Jan 2018 at 8:25 pm

    Thank you Davikaben for taking some time out of busy life and preparing report. In my opinion this report shall be prepared by the Secretary of the GSS.

  5. Navin Bnakeron 08 Jan 2018 at 8:57 pm

    Very Nice Report.

  6. Kamleshon 12 Jan 2018 at 7:38 am

    Thank you for this excellent GSS report.

  7. Raksha Patelon 12 Jan 2018 at 11:23 am

    તમે આ કામ સહ્રર્ષ સ્વીકાર્યું, તે ખૂબ આનંદની વાત છે. તમારો અહેવાલ વાંચતા ઘણાંને સાહિત્યની બેઠક્માં આવવાની પ્રેરણા મળતી રહેશે. તમારી ભાષા શુધ્ધિ અને લેખન શૈલિ માટે હંમેશ માન છે. બસ આવી રીતે
    આપણી સાહિત્ય સરિતાનું સ્તર ઉપર લાવતા રહેજો. તે આશા સાથે વિરમું.

  8. જનાદઁન શાસ્ત્રી(જનુ)on 12 Jan 2018 at 9:40 pm

    ટુકો ને ટચ સરસ સંપુર્ણ અહેવાલ.🙏🏻

  9. જનાર્દન શાસ્ત્રી(જનુ)on 13 Jan 2018 at 7:13 pm

    ટુકો ને ટચ સરસ સંપુર્ણ અહેવાલ 🙏

Comments RSS

Leave a Reply

Type in
Details available only for Indian languages
Settings Settings reset
Help
Indian language typing help
View Detailed Help